初试文明路越潮栈——很美味的牙车快-红烛美食天地

【初试文明路越潮栈——很美味的牙车快】

日期：2008-04-28

地点：广州越秀北京路商业区

每次讲起越南菜，第一个反应总是越茗苑。上星期，由于番学既缘故，终于有机会帮衬市一宫附近的越潮栈。
六点钟去到，吾使等位，马上入座。越茗苑E个时候门口已经排长龙了……
得一个钟食饭时间，比较赶，所以都无点认真睇菜牌。最后点左三样也：牙车快（鸡丝沙律）、咖哩肉碎蛋饭、香茅炸豆腐。上菜速度OK啦，算快手。

牙车快（￥28）真系好正！劲推荐大家试！入面好多料，鸡肉好滑，无手撕鸡甘重味，但有柠檬汁既香味，加埋D芹菜、洋葱、花生一齐食，味道好清新，几好送饭噶，而且份量好足（居然有一只鸡冀系入面），绝对可以当主菜来点。

咖哩肉碎蛋包饭（￥18），纯粹因为想食外面层蛋皮，哈哈~~~D饭其实同炒饭无咩分别，D肉好似叉烧粒甘，仲有青豆同粟米、红萝卜之类，咖哩味吾会太浓，怕辣既人可以考虑，但我始终觉得多汁既饭好味D。

香茅炸豆腐（￥20）基本上每次食越南菜都点，最爱甜甜地既香茅以及豆腐既外皮，名副其实外脆内滑啊！个人觉得E个菜越茗苑做得好D，无甘多油，而且D香茅碎都会好味D。

个牙车快实在非常令人惊喜，下次去一定要再点，同埋试下距D檬！

第1幅
牙车快（鸡丝沙律）

第2幅
真系好好味！

第3幅
已经俾人挖左一只角既蛋包饭

第4幅
咖哩肉碎蛋包饭（不过不失）

第5幅
香茅豆腐

第6幅
继续豆腐